Rirhandzu ra manana

Manana Musola a a ri mutswari wa rirhandzu swinene eka vana va yena, Xikwembu a xi nwi katekisile hi mahahlwa mambirhi. Masana na Risana a ku ri tintombi leti a ti rhandzana swinene ava endla migingiriko ya siku na siku vari vambirhi.

Vanhu votala a vanga va hambanisi hikuva ava yelana swinene. Vanhwanyani a va endla ntangha khume, laha Masana a nga sungula ku feyila eka kotara ya vumbirhi kambe sesi wa yena Risana a nwi pfuna hikuva yena a tlharihile swinene exikolweni kambe aswi tsandza.

Mutswari u ringetile ku kambisisa leswaku xihoxo xi nga va xi ri kwihi kambe u vuye a ya swikuma, Masana a yengiwa hi phoyini atshameleta phoyini vusiku hinkwabyo atshika ku hlaya tibuku.

Loko mbuyelo wu vuya Risana u kumekile a ri unwana wa vana lava nga pasela henhla swinene, naswona a amukeriwile eyunivhesithyi ya le Cape Town leswaku a ya dyondzela vudokotela.

Masana a feyirile ku pfumala ni dyondzo ni yinwe leyi ayi paseke. Mana wa yena vanwi tsundzuxile ku tlhelela exikolweni leswaku a ya tirha hi matimba awisa ku tlhavetela phoyini, u vuye a yingisa mana wakwe a tlhelela a fika a pasa kahle.

Mapula Glashy Makoto