Swiyenge swa mintirho leyi lavekaka eka makete wa laha Afrika-Dzonga

Swiyenge swa mintirho leyi lavekaka eka makete wa laha Afrika-Dzonga.

Makete wa mintirho wa laha Afrika-Dzonga wa 2025 wu tiveka hi xilaveko xa le henhla eka mintirho yo hlaya yo karhi.

Hikwalaho ka mpimo wa le henhla wa ku pfumaleka ka mintirho etikweni lowu nga eka 33%.

Ku ya hi Holobye wa Mintirho na Vatirhi Nomakhosazana Meth, mintirho leyi ya laveka hi xihatla.

Naswona nhluvukiso wa vuswikoti i nkongomiso wa nkoka ku lulamisa ku pfumaleka ka mintirho laha Afrika-Dzonga.

Swiyenge swa nkoka swa mintirho leswi lavekaka swinene na mintirho eka makete wa Afrika-Dzonga wa 2025 swi katsa.

Vativi va swa Vutshunguri: Vutshunguri bya Miehleketo,Vutshunguri bya Vana, Vutshunguri bya meno.

Vativi va vuongori eka perioperative, Madokodela ya swiharhi na vaongori va swifuwo; Vativi va rihanyo ra vaaki.

Thekinoloji ya Mahungu (IT): Vativi va vuhlayiseki bya ICT, vaxopaxopi va netiweke, vanjhiniyara va tisisiteme

Vaendli va tisoftware, vativi va sayense ya datha, vativi va AI, vativi va vuhlayiseki bya xiyenge xa inthanete.

Vuinjhiniyere: Vanjhiniyara va michini, gezi, vaaki ni va migodi; vativi va swa michini na swa electronic; vanjhiniyara va swihaha-mpfhuka.

Sector ya swa Timali: Actuaries, vaxopaxopi va vuvekisi na vafambisi, vahlayisi va mali ya mabindzu.

Vaoditi va le ndzeni na va le handle, valavisisi va makete, vafambisi va mphakelo na ku hangalasiwa.

Dyondzo na Vulavisisi: Vadyondzisi va le Yunivhesiti, vadyondzisi va xikolo va xiyenge xa (FET) Tigiredi ta 8-12, vafambisi va ndzavisiso na nhluvukiso, vadyondzisi va vutshila.

Ku hlela ntivo-mbango: Vapulani va madoroba na swifundzha, vativi va mbango na vafambisi, vativi va ku cinca ka maxelo, vativi va lwandle na vativi va mati.

Vuthekiniki na Mabindzu: Vaendli va swigayo, vamaki va swigolonyana, vaendli va michini ya tinsimbi.

vativi va switirhisiwa, vamaki va switirhisiwa swo hunguta moya na swigwitsirisi.

Ku katsa na yinwana mintirho ya ku tala leyi lavekaka ngopfu etikweni ra laha Afrika-Dzonga.

Hlaya nakambe:Ku hlayisa vana hi ndlela leyinene swa vuyerisa

Loko wahari exikolweni, endla vulavisisi mayelana na mintirho leyi lavekaka ngopfu laha tikweni leswaku uta hlawula tidyondzo leti fambisanaka na swona.

Landzela pheji eka Facebook: https://www.fb.com/l/6lp1kJRRR

Source: FakazaNews