Tindlela leti nga hungutaka ku pfinyiwa

Vulavula, loko u twa munhu a endla madzolonga ya rimbewu kumbe ku ma pfumelela, vulavula.

Loko u vona munhu a xanisiwa kumbe ku hlaseriwa, bela maphorisa riqingho hi ku hatlisa.

Vutisa hi ta minongonoko ya le ntirhweni kumbe ya le xikolweni leyi tirhanaka ni ku xanisiwa hi swa masangu kumbe ku hlaseriwa.

Tiva laha u nga yaka kona ku ya vika ku xanisiwa kumbe madzolonga eka wena kumbe van’wana.

Nyikela nseketelo, loko u tiva munghana kumbe xirho xa ndyangu lexi nga eka vuxaka byo xanisa, nyikela nseketelo wa wena.

Va hlanganise ni tinhlengeletano ta kwalaho leti nga pfunaka, dyondzisa vana va wena. Byela vana leswaku va teka xiboho xa leswaku i mani loyi a nga va khumbaka – hambi ku ri swirho swa ndyangu.

Dyondzisa vana ku xixima van’wana ni ku khoma vanhu van’wana hi ndlela leyi va nga tsakelaka ku khomiwa ha yona.

Dyondzisa vantshwa hi ku pfumelelana, va dyondzise leswaku vantshwa va twisisa leswaku ku hlangana kwihi na kwihi ka rimbewu ku fanele ku pfumelelaniwa hi vanhu havambirhi hi ku ntshunxeka.

Source – Mapula Glashy Makoto