Tiva matiko lawa ya nga ni nhlayo ya le henhla ya tiholideyi

Tiva matiko lawa ya nga ni nhlayo ya le henhla ya tiholideyi

Matiko lawa ya nga na nhlayo ya le henhla ya tiholideyi ta mani na mani.

Nepal i tiko ro sungula leri nga ni tiholideyi ta mani na mani to tala.

Kwalomu ka 35 wa tiholideyi ta mani na mani hi lembe.

Ngopfu ngopfu hikwalaho ka minkhuvo ya yona yo hambana ya Mahindu na Mabudha na vhiki ra ntirho ra masiku ya ntsevu.

Myanmar I tiko ra vumbirhi leri na rona ri nga na tiholideyi to tala, kwalomu ka 32 wa tiholideyi ta mani na mani lembe na lembe.

Laha kungana masiku yo kwetsima ya Mabudha na minkhuvo ya ndzhavuko yofana na nkhuvo wa mati ya Thingyan.

Iran i tiko ra vunharhu – Kwalomu ka 26 wa tiholideyi ta ximfumo ta mani na mani.

Ku katsa na minkhuvo ya vukhongeri ya Vuislem na swiendlakalo swa tiko swo fana na Nowruz (Lembe Lerintshwa ra Xiperesiya).

Sri Lanka – Kwalomu ka 25 wa tiholideyi ta mani na mani, leswi kombisaka vaaki va yona va vukhongeri byo hambana.

Na minkhuvo ya Mabudha, Mahindu, Mamoslem, na Vukriste, ku katsa na masiku ya Poya ya n’hweti leyi heleleke ya n’hweti na n’hweti.

Bangladesh & Egypt – Matiko lawa hamambirhi yana kwalomu ka 22 wa tiholideyi ta mani na mani lembe na lembe.

Laha Bangladesh yi kongomisaka eka minkhuvo ya Islam naswona Egypt yi hlanganisa masiku ya xitsundzuxo ya Islam na ya rixaka.

India & Cambodia – Yin’wana na yin’wana yina kwalomu ka 21 wa tiholideyi ta mfumo lembe na lembe.

Nhlayo ya India yinga hambana swinene kuya hi swifundzha hikokwalaho ka tiholideyi ta xifundzha.

Kasi tiholideyi ta Cambodia ti kombisa masiku ya ku tsundzuka ya Mabudha na ya tiko.

Argentina & Lebanon – Kwalomu ka 19 wa tiholideyi ta mani na mani hi lembe.

Ku katsa na tiholideyi ta tiko na ta vukhongeri eArgentina na minkhuvo yo hambana ya vukhongeri eLebanon.

Afrika-Dzonga yi na 12 wa tiholideyi ta ximfumo ta mfumo hi lembe.

Hambi leswi tinga tintsongo hi nhlayo, tiholideyi ta Afrika Dzonga tina nkoka swinene eka ndzhavuko na matimu.

Swi katsa Siku ra Timfanelo ta Ximunhu, Siku ra Ntshunxeko, Siku ra Vantshwa.

Siku ra Ndhavuko, Siku ra Vavasati, na Siku ra ku rivalelana, ku kandziyisa vun’we bya rixaka na ku anakanyisisa.

Loko matiko yan’wana ya ri ni tiholideyi to tala ta mani na mani hi nhlayo.

Tiholideyi ta laha Afrika Dzonga ti na nkoka eka matimu na ndzhaka wa laha tikweni.