Mahlayiselo ya muti- “Mukhuva wa Mugqivela” 

Manana Chauke a a ri wansati loyi a pfuka hi mahlamba-ndlompfu, Mugqivela wun’wana na wun’wana.

Nun’hwelo wa tiya leyi a yi endla ya wu ri karhi wu nuhwela endzeni ka yindlo, a bohe na duku ra yena a tiyimiserini ku sungula mikhuva ya yena ya vhiki na vhiki yo basisa muti. 

Vana va yena lava ava ala va ha titlerisile na vona a va switiva leswaku  siku ro basisa ri fikile. 

A ta va pfuxa hi rirhandzu, a avela un’wana ni un’wana mintirho. 

 Ntsaki a kukula jarata, Khensani a sulasula tixelufu, lavatsongo ava pfuneta hi swibye no lunghisa mibedo. 

Eku sunguleni a va vilela va kombisa vulolo va ri ni tshembo wa leswaku va nge tirhi, kambe Manana Chauke a veke nawu – a ku dyiwi swakudya swa nimixo u nga hetangi ku basisa yindlo. 

Loko va ri karhi va tirha, a va tsundzuxa leswaku muti lowu baseke wu tisa ku rhula ni ku tenga. 

U va dyondzisile leswaku ku hlayisa ndhawu leyi u tshamaka ka yona swikombisa nhlonipho ni ku tirhandza. 

Hi ku famba ka nkarhi, mintirho leyi yi ve ya ntolovelo, vana a va nga ha vileli. 

Ematshan’weni ya sweswo va sungule ku vona ku basisa swikombisa vutihlamuleri ekaya ra vona, naloko va kurile emindyangwini ya vona ava endla tani hi laha va dyondzisiweke hakona hi mana wa vona.