Ku kurisa ndyangu – “ndhavuko wa tafula ra swakudya swa nimadyambu”

Emutini wa ka Maswanganyi, tafula ro dyela eka rona a ri nga ri ndhawu yo dyela ntsena—a ku ri mbilu ya ndyangu. 

Madyambu man’wana na man’wana, kunga se ba awara ya nkombo ni madyambu, Manana a a vitana un’wana ni un’wana etafuleni, naswona a ku nga ri na munhu loyi ata teka nkarhi.

Tifoni ati timiwa, swilo leswi kavanyetaka a swi vekiwa etlhelo, ku va nkarhi wa ndyangu ntsena. 

Hi nkarhi wa swakudya leswi vana ava dyondza swilo swa nkoka evuton’wini.

Manana na tatana a va ta yingisa loko n’wana un’wana ni un’wana a vulavula hi siku ra yena—ntsako wa vona, swiyimo swo tika ni milorho ya vona. 

Loko munhu a ri na xiphiqo, ndyangu hinkwawo a wu ta kuma ndlela yo xi lungisa swin’we, seketelo awu tshama wu ri kona. 

Siku rin’wana nimadyambu, n’wana wa vona wa nhwanyana lonkulu, Tinyeleti, loyi ari eyunivhesiti u te. 

“Ndzi navela swakudya leswi loko ndzi ri ekule, laha kaya ndzi twa ndzi hlayisekile kona.” Marito ya yena ma endle leswaku Tatana a n’wayitela.  

Loko malembe ma ri karhi ma famba, vana va kule va rhurhela emindyangwini ya vona. 

Kambe loko va endzela ekaya, nchumu wo sungula lowu ava wu endla aku ri ku hlengeletana etafuleni ra swakudya swa nimadyambu. 

Naswona hlaya: Mahlayiselo ya muti- “Mukhuva wa Mugqivela”

Ndhavuko lowu a wu nga fi hikuva a wu nga ri mukhuva ntsena—a ku ri rhengu leri a ri khome ndyangu wa vona.