Manana i xihlovo xa rirhandzu ni vutomi

Manana u endliwe hi rirhandzu leri nga riki na swipimelo, rirhandzu leri ku nga riki na munhu un’wana loyi a nga ku nyikaka rona.

U nga n’wi avanyisi, I kangani u tshama ehansi u n’wi yingisa? Ku va na mbulavurisano na yena mayelana na nkarhi lowu hundzeke wa yena? Kumbexana a nga kalanga a ku byela hi vutomi byo biha lebyi a a fanele a byi tiyisela loko wena unga se velekiwa.

Kumbexana a nga kalanga a avelana swilondza leswi a swi rhwaleke, swivati ​​leswi pfulekaka nkarhi wun’wana na wun’wana loko a swi tsundzuka… vuhlangi byo vava na vuhlangi lebyi a hanyeke eka byona.

Minkarhi yo tika leyi a yi tiyiseleke loko ku nga ri na munhu loyi a n’wi yingisaka, loko a khomiwa hi ndlela yo biha, a siya marito yo vava, vusweti, ku chava ni ku xanisiwa.

N’wi khome kahle, ku fana ni xuma xo hlawuleka lexi a nga xona evuton’wini bya wena. Ku endla tano swi ta ku tisela mikateko, ku rhula, ntsako, ku tshamiseka ni vutomi byo leha.

Naswona tsundzuka, ndlela leyi u khomaka mana wa wena ha yona i ndlela leyi van’wana va nga ta ku khoma ha yona.

Vanhu lava nga ekusuhi na wena va ta dyondza eka swiendlo swa wena na rirhandzu leri u ri kombisaka. Ku ni manana un’we ntsena—loko u nga n’wi tekeli enhlokweni sweswi, u nga ha tisola enkarhini lowu taka loko vusiku byo pfumala vurhongo byi ku karhata.

Ku ta va mademona ya wena ya ku nga yingisi ni ku pfumala xichavo lawa ya alaka ku ku pfumelela ku wisa.

Translator :Mapula Glashy Makoto