Ntirho wa manana – “ku tinyiketela ka manana” 

Mama Thandi a a hatlisa ku pfuka naswona a hetelela ku etlela. 

U tirhe nkarhi wo leha tanihi murhungi, a rhungela vaakelani leswaku ata kuma mali yo tihanyisa. 

Kambe swi nga ri na mhaka leswaku a a karhele ku fikela kwihi, a nga kalanga a tsandzeka eka ntirho wa yena wa kuva mutswari. 

Mixo wun’wana ni wun’wana, a a pfuxa vana vakwe loko dyambu ri nga si huma, a va lunghisela swakudya swo longa exikolweni, a ayina yunifomo ya vona, naswona endla leswaku loko vaya xikolweni va suka va dyile hambi yena swo nwi helela. 

N’wana wakwe wa nhwanyana, Nomsa, a a tala ku languta mana wakwe hi ku n’wi hlamala. 

A vona ku karhala ematihlweni ya yena kambe ni rirhandzu leri nga tsekatsekiki leri a ri pfuxa ku tinyiketela ka yena. 

Manana Thandi a tshamela ro vula leswaku, “Ntirho wa manana a wu olovi, kambe i wa nkoka swinene.”

Endzhaku ka malembe, loko Nomsa a va dokodela, u hetelele a twisisa vuenti bya rirhandzu ra mana wakwe. 

Loko a ri karhi a nyika mana wa yena muholo wa yena wo sungula, mihloti yi rhendzele marhama ya manana Thandi. 

U hlevetele a ku: “A wu nga boheki ku endla tano.” Kambe Nomsa u ninginise nhloko. 

“U ndzi nyikile hinkwaswo, manana. I nkarhi wa mina.”

Hlaya laha hansi: Ku kurisa ndyangu – “ndhavuko wa tafula ra swakudya swa nimadyambu”

Hi vusiku byebyo, manana Thandi u etlele hi ku rhula, a swi tiva leswaku ku tinyiketela ka yena a kuri na nkoka.