Xana u swi vonisa ku yini leswaku rirhandzu ri herile?
Xana u swi vonisa ku yini leswaku rirhandzu ri herile?
A hi tshembhekeni, loko swi ta eka timhaka ta rirhandzu vavanuna va laha Afrika-Dzonga hi vona va tsakisaka swinene loko u rhandzana na vona.
Kambe ntiyiso hileswaku va nga tikhoma ku fana na mimoya – vava kona namuntlha, va pfuka va fambile mundzuku, ku pfumaleka na xilemukiso.
Minete yin’we, u na wena naswona u ku rhumela marungula a nga yimi. Minete yin’wana, u fambile atlhela a miyela anga ha ku hlamuli.
Hambileswi vavanuna van’wana va nga ni xivindzi xo vulavula loko va ngaha ku tsakeli, vo tala va vona va rhandza ku nyamalala.
Xana u swi tivisa ku yini loko ndzilo wa rirhandzu wu hundzuke nkuma wo titimela?
1. Loko ku vulavurisana ku suka eka 100 ku ya eka 0, i xikombiso xa kahle xo kombisa leswaku munhu yaloye anga ha ku tsakeli.
Munhu loyi aku rhandzaka a lavaka kuva na wena u tshama ari karhi a vulavulava na wena minkarhi hinkwayo.
Naswona akuna xilo na xinwe lexi nga nwi sivelaka leswaku a vulavula na wena.
2. Hi xitshuketa u “tshama a khomekile ngopfu” eka hinkwaswo, ina vanhu va khomeka hikuva va – ntirha hala tlhelo va na mindyangu.
Wanuna kumbe wansati loyi aku rhandzaka u tshama a veke nkarhi wa ku vonana na wena.
Hikuva eka hinkwaswo u rhangisa wena emahlweni loko swingari tano huma ra ha vona.
3. Swinwana leswi kombisaka leswaku u humile ka wena hi loko rirhandzu ra miri ri nyamalala.
Loko mi hetelela mi hlangana, a a tolovele ku ku khoma voko, a ku angarha hi matimba.
A ku languta ematihlweni onge hi wena rhayisi ya jollof enkhubyeni.
Sweswi? U tshama ekule, riqingho ra yena ri hundzuka munghana wa yena lonkulu. Na wena wa swi twa.
Ku kufumela loku a tshameke a va na kona ekusuhi na wena ku rhelerile.
Sweswo i xikombiso lexi nga erivaleni leswaku mbilu ya yena yi rhurhele kun’wana.
4. U sungula ku titwa onge wa n’wi hlongorisa, u swi vona leswaku hi wena u tshamaka u ri karhi u nwi bela riqingho, u rhumela marungula, u pulana, u tlhela u nwi tlhogomela ngopfu.
U titwa onge u muyimeri wa customer care u kombela customer yo nonoka leswaku yi nga fambi.
Eka vuxaka lebyi hanyeke kahle, vanhu havambirhi va fanele va kombisa matshalatshala.
Loko wo tshuka u sungula ku titwa onge u endla ntirho hinkwawo u ri wexe, se hiloko munhu wa wena a humile.
Mahetelelo ya ntiyiso lowu vavaka hi leswaku, loko wanuna a nga ha tsakeli, swiendlo swa yena swi ta ku byela, matimba ya cinca, rirhandzu ra nyamalala.
Ematshan’weni yo khomelela eka munhu loyi a nga ku tekeliki enhlokweni, sirhelela ku rhula ka wena.
U faneriwa hi rirhandzu leri nga erivaleni, leri twalaka huma ka munhu loyi anga ku rhandziki.
- Landzela pheji eka Facebook: https://www.fb.com/l/6lp1kJRRR
Source: FakazaNews
